Kultura jakin batean gizonei atxikitzen zaizkien ezaugarrien multzoa, portaera, genero-rol eta ezaugarri fisiko eta psikologikoak aintzat hartzen dituena. Maskulinitatearekin lotzen diren ezaugarriak aldatu egiten dira denborarekin eta leku batetik bestera, eta edozein pertsonak izan ditzake kulturalki gizonei atxikitako ezaugarriak. Feminismoak proposatutako desboteretze-prozesuetan, maskulinitate-eredu berriak lantzen dira.