Jaiotzean ezarri zitzaion sexu/generoarekin identifikatzen den pertsona, edo hura auzitan jartzen ez duena. Jaio eta berehalako identifikazio hori anatomia genitalaren eta identitate sexualaren arteko konbinazio estatistiko ohikoena aintzat hartuta egiten da.

Adiera horretan, ‘zisexual’ eta ‘zisgenero’ terminoak sinonimotzat jotzen dira. Halere, baliokidetza hori nahasgarria izan daiteke; izan ere, sexua (emakumea/gizona) da jaiotzean esleitzen dena, ez generoa (femeninoa/maskulinoa), hau da, sozializazioaren bidez ikasten dena.