Ezaugarri biologikoen multzoa, bereziki ezaugarri genetiko, organiko eta hormonalei dagokiena, gaur egungo gure gizartean emakumeen eta gizonen arteko bereizketa ezartzeko oinarri dena.

Beste ikuspegi honekin ere definitzen da sexua: ugaltze-gaitasunarekin eta beste gaitasun batzuekin zerikusia duten ezaugarrien multzoa, pertsonak bi taldetan sailkatzeko erabiltzen dena: emakumeak/emeak eta gizonak/arrak. Ezaugarrien multzo horren barruan daude, batetik, ezaugarri fisiko, anatomiko eta fisiologikoak, eta, beste alde batetik, beste maila batzuetan adierazten diren giza gorputzaren gaitasun eta neurri batzuekin zerikusia duten ezaugarriak.

Ikuspegi horrek, oro har, baztertu egiten du sexu/genero binarismoa, eredu eraikia dela argudiatuta, eta aldarrikatzen du generoa askotarikoa dela eta ez-finkoa izan daitekeela (hau da, ez beti bera pertsona berarentzat).